Search This Blog

Saturday, 3 March 2012

Burning of the Book and the Great game

AIJAZ Z. SYED
Burning of the Book and the Great game

After spending 11 years and $500 billion dollars in Afghanistan, the Americans still don't get it

Are the Americans really that dumb? I mean after spending 11 years in the world’s most dangerous battlefield and dealing with the fiercely proud and famously hot-blooded Afghans you have to be stark, raving mad to be doing what the Americans were found doing last week.

Why is it so hard for the West to see that faith plays a pivotal role in Muslim societies and lives of the believers? The renunciation of faith may be the first step toward liberation for the West with its best and brightest minds, from Christopher Hitchens to Richard Dawkins, competing with each other to run down their Maker.

But what the West finds to be “delusional” is held in highest esteem by the Muslims. This reverence extends to the Book that they believe to be the last word of God and the Last Prophet, peace be upon him, who brought it. The faithful cannot imagine or tolerate slightest of slurs or affront against these icons. Anyone who has seen the Muslims handle the Book would know it.

They hold it with utmost reverence and do not even touch it unless they are in a state of purity. And when it comes to love and reverence for their faith and its icons, perhaps no one can outshine the Afghans.

When those spiteful caricatures surfaced in the scenic Scandinavia, they provoked spontaneous protests all around the world but the strongest of them were witnessed in Afghanistan.

Many died in the angry demonstrations that went on for weeks. History repeated itself when two years ago an attention-hungry pastor in the distant Florida vowed to make a bonfire of the Islamic scripture.

The Afghans are seldom known to allow a provocation go unchallenged. Killing and getting killed for honor and what is close to heart is all in a day’s work — or Pakhtoonwali (the Afghan way) for the ordinary Afghans. Not for nothing this land enjoys the reputation of being the “graveyard of empires.”

After spending more than a decade and $500 billion dollars in Afghanistan, not to mention the thousands of lives lost on both sides, it is hard to believe the Yanks didn’t know this already. So you have to be either totally stupid or utterly callous, or both, to incinerate the copies of the Book at the Bagram air base.

After days of protests and the unprecedented killing of many US troops including two senior US military personnel right inside the Interior Ministry by their Afghan allies, President Obama coughed up a terse apology: “I wish to express my deep regret for the reported incident. I extend to you and the Afghan people my sincere apologies.”

His commander in Afghanistan Gen. John R. Allen, who has issued an equally sincere apology, has directed that all US forces undergo 10 days of “sensitivity training in the proper handling of religious materials.”

Eleven years into this war — isn’t it a bit late for that, general? Besides, it’s not as though the Americans and their comrades in Afghanistan are exactly ignorant of Afghan and Muslim sensitivities. We have been here before, repeatedly, with similarly sensitive American shenanigans being followed by equally perfunctory apologies.

In 2005, Afghanistan was rocked by violent protests when there were reports of the Guantanamo Bay interrogators defiling the Qur’an as part of their methods of persuasion. Last year the Afghans were outraged by the revelations about the US ‘kill teams’ that hunted civilians for fun, duly capturing their Kodak moment for posterity standing over their ‘trophies’.

Why only recently when the Americans and Taleban representatives were sitting down for talks in Doha, there were these startling images of the four wisecracking US Marines urinating over dead Afghans. Other members of the ‘coalition of the willing’ haven’t been far behind. The cousins across the Atlantic, for instance, were found filming themselves abusing Afghan children.

This war for Afghan hearts and minds has gone alongside the bombing of Afghan homes and villages and even wedding and funeral processions.

Thousands of innocent civilians, according to UN agencies and independent rights groups, have perished in these attacks. The recent killing of eight shepherd boys, aged between eight and six, in a NATO airstrike in Kapisa province is but just one example.

Do we see a pattern here — a deliberate method in the madness? Does the upsurge in such ‘incidents’ have anything to do with the timing of the US-Taleban engagement following the efforts of some Arab and Muslim countries? Anything is possible.

There are many out there, including those in the US military establishment, with strong motives to derail all efforts to end this disastrous war.

Given the high stakes involved in the so-called Great game and Washington’s keenness to maintain its presence in this strategically critical region, not to mention the yet-to-be-tapped rich mineral resources that Afghanistan has hidden in its belly, possibilities are endless.

This week, conservative pundit Patrick Buchanan was livid over Obama’s Qur’an apology. In an angry opinion piece, he points to the fact that the US has squandered hundreds of billions of dollars and thousands of American lives in Afghanistan, raising the inevitable question: For What, These Wars? For what, indeed? Well, here’s why.

Afghanistan provides Uncle Sam with a rare vantage point to keep a resurgent Russia and a clever China on the one hand and an irrepressible Iran and pesky Pakistan, on the other, in check.

The US already has an overwhelming presence in the Gulf, the energy bowl of the world. The 9/11 was merely an excuse and a rather convenient opportunity.

But then the Americans are not the first to enter Afghanistan with such ambitions and, some would say, delusions of grandeur. The British and more recently the Russians have been there before them, not to mention numerous others, from the Greeks to the Mongols. While the crafty British had to give up after several disastrous and humiliating attempts, the Afghan occupation cost the Russians the Soviet empire.

Do the Americans, after a disastrous decade in Afghanistan, really think they can succeed where all others failed? It had always been a doubtless enterprise. But with the sweetness and light that the coalition of the willing has been forever spreading around, it is doomed.

That Uncle Sam will have to leave sooner or later is not a matter of debate. It’s a certainty.

What remains to be seen is how the Americans go — the way the British left with egg in their face or in the manner the Russians departed, bruised and battered with their empire crumbling around them.



— Aijaz Zaka Syed is a Gulf-based commentator. Write him at aijaz.syed@hotmail.com

گجرات فسادات کی دسویں برسی پر اک جبر وقت ہے کہ۔۔۔

گجرات فسادات کی دسویں برسی پر
اک جبر وقت ہے کہ۔۔۔
سہیل انجم
 
انسانی تاریخ کے بدترین مسلم کش فسادات کے، جو کہ گاندھی کی دھرتی پر’’ہٹلر ثانی‘‘ کی سربراہی میں انجام دیے گئے تھے، دس سال ہو چکے ہیں۔ لیکن مسلمانان گجرات کے لیے وقت تو جیسے ٹھہر گیا ہے۔ وہ آج بھی ۲۷ فروری ۲۰۰۲ سے آگے نہیں بڑھ پائے ہیں۔ حالانکہ اس درمیان گنگا اور جمنا کا جانے کتنا پانی بہہ گیا ہے لیکن مظلومین گجرات کی آنکھوں سے ٹپکنے والا آنسو اب بھی پلکوں پر رکا ہوا ہے۔ یہ آنسو نہیں ہے بلکہ گجرات کے مسلمانوں کی مظلومی کی داستان درد انگیز ہے اور اسی کے ساتھ وزیر اعلی نریندر مودی کی سفاکی اور مسلم دشمنی کا جیتا جاگتا ثبوت بھی ہے۔ کہتے ہیں کہ جب آنکھیں پتھرا جاتی ہیں تو خشک ہو جاتی ہیں اور ان سے ٹپکنے والا لہو بھی جانے کہاں چلا جاتا ہے۔ لیکن کیا گجرات کے فساد زدگان کی آنکھیں بھی خشک ہو گئی ہیں۔ وہ پتھرا تو گئی ہیں انصاف کا انتظار کرتے کرتے لیکن ان سے اب بھی لہو ٹپک رہا ہے اور ہندوستان کے ضمیر کو آواز دے رہا ہے اور انصاف کا مطالبہ کر رہا ہے۔ وقت کا جبر گجرات کے مسلمانوں پر یوں مسلط ہو گیا ہے کہ اس کو سہنے اور برداشت کرنے کے علاوہ ان کے پاس کوئی چارہ نہیں رہ گیا ہے۔
فسادات کے دس سال پورے ہونے پر گجرات میں مختلف مقامات پر تو متعدد پروگراموں کا انقعقاد کیا گیا دہلی اور دوسرے شہروں میں بھی پروگرام منعقد کیے گئے جہاں آزاد ہندوستان کے بھیانک ترین دنوں کو یاد کیا گیا اور ان دنگوں کی نذر ہو جانے والوں کو خراج عقیدت پیش کیا گیا۔ گجرات ہندو احیا پسند جماعت آر ایس ایس کی ایک ایسی تجربہ گاہ ہے جہاں مسلمانوں کو تجربات کی بھٹی کا ایندھن بنایا گیا ہے۔ یوں تو گجرات میں پہلے بھی فسادات ہوتے رہے ہیں۔ آزادی کے پہلے بھی اور آزادی کے بعد بھی۔ لیکن یہ جو فساد تھا یہ فساد نہیں تھا بلکہ مسلمانوں کی نسلی تطہیر تھی۔ نریندر مودی کو گجرات کا وزیر اعلی بنا کر اسی لیے بھیجا گیا تھا کہ وہ آر ایس ایس کے ایجنڈے پر عمل کریں۔ انھوں نے اس پر عمل کر کے دکھایا۔ آج ہندوستان کے نقشے پر دو گجرات قائم ہو گئے ہیں۔ ایک وہ گجرات ہے جو آر ایس ایس اور نریندر مودی کا گجرات ہے اور دوسرا وہ گجرات ہے جو مظلوم مسلمانوں کا گجرات ہے۔ سینئر پولیس آفیسر وی این رائے نے فسادات کے دوران ہندوستانی پولیس کی فرقہ وارانہ سوچ پر تبصرہ کرتے ہوئے لکھا تھا کہ کرفیو کے دوران ہندو اور مسلم علاقے ہندوستان اور پاکستان میں تبدیل ہو جاتے ہیں۔ لیکن گجرات میں تو فسادات ختم ہونے کے دس سال بعد بھی ہندوستان اور پاکستان قائم ہیں۔ ہندو علاقے ہندوستان ہیں اور مسلم علاقے پاکستان بنا دیے گئے ہیں۔نریندر مودی گجرات کی نام نہاد ترقی کا بہت ڈھنڈورا پیٹتے ہیں اور بی جے پی اور یہاں تک کہ بعض اوقات مرکزی حکومت کے کچھ مودی نواز وزرا بھی اس پروپیگنڈے میں شریک ہو جاتے ہیں۔ لیکن کیا یہی ترقی ہے کہ ایک فرقے کو اس کے ثمرات سے فیضیاب ہونے کے وافر مواقع ملیں اور دوسرے فرقے کو اس سے محروم کر دیا جائے۔ آج آپ احمد آباد چلے جائیں یا کسی دوسرے شہر میں، تقریباً یہی صورت حال نظر آئے گی۔ مسلم علاقے تمام قسم کی بنیادی سہولتوں سے محروم اور غیر مسلم علاقے ان سہولتوں سے پوری طرح لیس۔ احمدآباد میں تو پورے شہر کا کوڑا کچرا ایک مسلم کالونی کے پاس ڈالا جاتا ہے جس سے وہاں کے باشندے مختلف قسم کے امراض کے ہمیشہ شکار بنے رہتے ہیں۔ 
فسادات کی دس سالہ برسی پر نیوز چینلوں نے جو رپورٹیں پیش کی ہیں اور اخبارات میں جو رپورٹیں شائع ہوئی ہیں وہ اس بات کی چغلی کھاتی ہیں کہ وزیر اعلی نریندر مودی چھ کروڑ گجراتیوں کی جو بات کرتے ہیں وہ محض ایک دکھاوا ہے ایک فریب ہے۔ وہ در اصل ان لوگوں کو گجراتی مانتے ہیں جو ہندو ہیں اور ان لوگوں کو گجراتی نہیں مانتے جو مسلمان کہلاتے ہیں۔ وہ انہیں پہلے تو انسان ہی نہیں مانتے اور اگر مانتے بھی ہیں تو ہندوستانی نہیں بلکہ پاکستانی مانتے ہیں اسی لیے ان کے نزدیک یہ لوگ کسی بھی قسم کی سہولت کے حقدار نہیں ہیں۔ مودی کہتے ہیں کہ وہ ہندو مسلم کی پالیسی پر عمل نہیں کرتے او ران کے یہاں اس کی کوئی گنجائش نہیں ہے وہ اقلیت اور اکثریت کی نہیں بلکہ صرف گجراتی کی بات کرتے ہیں۔ لیکن ان کے اعمال اور ان کے طریقہ ہائے کار یہ بتاتے ہیں کہ ان کے نزیک اگر کوئی پالیسی ہے تو وہ ہندو مسلم پالیسی ہی ہے۔اور اس پالیسی میں مسلمانوں کی جگہ غیر مراعات یافتہ شہریوں کی ہے اور ہندووں کی حیثیت مراعات یافتہ شہریوں کی ہے۔ 
وزیر اعلی نریندر مودی ہندوستان کے وہ واحد وزیر اعلی ہیں جن پر ملک کے مسلمانوں کو تو چھوڑیے ملک کی عدلیہ کو بھی بھروسہ نہیں ہے۔ یہی وجہ ہے کہ گجرات فسادات سے متعلق کئی معاملات کی جانچ سی بی آئی سے کرائی گئی اور کئی معاملوں کی سماعت گجرات سے باہر ہوئی۔ ملک کی عدالت عظمی بھی ان پر اور ان کے ایڈمنسٹریشن پر بھروسہ نہیں کرتی اسی لیے جب انسانی حقوق کی متعدد تنظیموں نے مطالبہ کیا تو سپریم کورٹ نے ایک خصوصی تفتیشی ٹیم تشکیل دی جس نے فسادات کی جانچ کی۔ صرف اتنا ہی نہیں بلکہ اس دوران وہاں ہونے والے فرضی انکاونٹروں کی جانچ کے لیے بھی ایس آئی ٹی قائم کی گئی۔ نریندر مودی اس لحاظ سے ملک کے اب تک کے تمام وزرائے اعلی پر سبقت لے گئے ہیں کہ کسی بھی وزیر اعلی کو سپریم کورٹ اور احمد آباد ہائی کورٹ اور چھوٹی عدالتوں سے اتنی پھٹکار اور لتاڑ نہیں ملی ہوگی جتنی کہ مودی کو حاصل ہو چکی ہے۔ مودی نے اس سلسلے میں ایک ریکارڈ قام کر دیا ہے۔ کوئی مہینہ ایسا نہیں گزرتا جب کوئی نہ کوئی عدالت مودی کی سرزنش نہ کرتی ہو۔ لیکن مودی ہیں کہ بے حیائی و بے غیرتی کی مورت بنے ہوئے ہیں۔ ان کو ذرا بھی شرم نہیں آتی۔ ان کو اس کا بالکل احساس نہیں ہے کہ عدلیہ کے نزدیک وہ انتہائی غیر معتبر اور بے بھروسہ آدمی ہیں۔ کسی بھی شریف اور غیرت مند انسان کے لیے یہ ڈوب مرنے کا مقام ہے کہ اسے بار بار پھٹکارا جائے اور بار بار جھڑکا جائے۔ لیکن وا ہ رے مودی! ذرا بھی غیرت نہیں آتی ذرا بھی شرم نہیں آتی۔
جب بھی الیکشن قریب آتا ہے نریندر مودی کوئی نہ کوئی ڈرامہ اسٹیج کرنے لگتے ہیں۔ اب انھوں نے نام نہاد سدبھاونا کا ڈرامہ شروع کر دیا ہے۔ لیکن ان کا سد بھاونا مشن کتنا ’’بد بھاونا‘‘ مشن ہے کہ اس میں بھی مسلمانوں کے لیے کوئی گنجائش نہیں ہے۔ ان کی سدبھاونا صرف غیر مسلموں کے لیے ہے۔ وہ مسلمانوں کو اس لائق نہیں سمجھتے کہ انھیں بھی اس مہم میں جوڑیں اور ان کو بھی ساتھ لے کر چلیں۔ مودی کس قدر مسلم دشمن ہیں اس کا اندازہ اسی سے لگایا جا سکتا ہے کہ آج تک انھوں نے ان مسلم علاقوں کا دورہ نہیں کیا جہاں فروری ۲۰۰۲ میں قیامت صغری برپا کی گئی تھی۔ انھوں نے آج تک ایک بار بھی یہ نہیں کہا کہ گجرات کے فسادات پر ان کو ندامت ہے، ان کو شرمندگی ہے اور انھیں اس کا بہت افسوس ہے۔ انھیں آج تک اس کی توفیق نہیں ہوئی کہ وہ مسلمانوں سے جا کر ملیں اور ان کے مسائل کو جاننے کی کوشش کریں۔ بلکہ اس کے برعکس انھوں نے اپنی کارروائیوں اور پالیسیوں سے ایسا ماحول بنا دیا ہے کہ ہندووں اور مسلمانوں کے مابین خلیج اور وسیع ہو گئی ہے۔ فرقہ وارانہ ہم آہنگی اور یکجہتی کی اکا دکا مثالو ں کو چھوڑ کر ہندووں اور مسلمانوں میں اب بھی میل جول کی کوئی صورت نظر نہیں آتی۔ مسلمانو ں کا سماجی اور اقتصادی مقاطعہ کر دیا گیا ہے۔ نہ تو مسلمانوں کو کسی ہندو علاقے میں پراپرٹی خریدنے کی اجازت ہے اور نہ ہی مسلمانوں کے ساتھ کوئی تجارت کی جاتی ہے۔ ان کا پوری طرح سے بائیکاٹ کر دیا گیا ہے اور وہ اپنے مسائل کے گرداب میں ہچکولے کھانے پر مجبور ہیں۔ 
لیکن وہ وقت دور نہیں جب مظلومین گجرات کی آہیں رنگ لائیں گی اور نریندر مودی کو اپنے کیے کی سزا ملے گی۔ وہ صرف اس وقت تک اپنی سزاؤں سے بچے ہوئے ہیں جب تک کہ گجرات کے وزیر اعلی کی کرسی پر فائز ہیں۔ وقت نے ان کے لیے سزاؤں کی تعین کر دیا ہے جوں ہی وہ اقتدار سے باہر ہوئے ان کے اعمال ان کی گردن کو دھر دبوچیں گے اور پھر انھیں اپنی رہائی کی کوئی صورت نظر نہیں آئے گی۔ آج گجرات کے مسلمان اس کیفیت سے دوچار ہیں کہ : اک جبر وقت ہے کہ سہے جا رہے ہیں ہم، اور اس کو زندگی بھی کہے جا رہے ہیں ہم۔ لیکن کل ان کا ہوگا اور ان کے ایک ایک زخم کی مرہم پاشی ہوگی اور ظالموں کو کیفر کردار تک پہنچایا جائے گا۔ وہ وقت اب زیادہ دور نہیں ہے وہ آکر رہے گا۔ یہ تاریخ کا اٹل فیصلہ ہے جس سے مودی کو مفر نہیں۔
--

Friday, 2 March 2012

مال تمہاری مگر وسائل معاشرے کی ملکیت ہوا کرتے ہیں

مال تمہاری مگر وسائل معاشرے کی ملکیت ہوا کرتے ہیں
 
جرمنی ایک صنعتی ملک ہے جہاں دُنیا کی بہترین مصنوعات اور بڑے بڑے برانڈز  مثلاً مرسیڈیز بینز، بی ایم ڈبلیو اور سیمنز پروڈکٹس بنتے ہیں۔ ایٹمی ری ایکٹر میں استعمال ہونے والے پمپ تو  محض اس ملک کے ایک چھوٹے سے گاؤں میں بنتے ہیں۔ اس طرح کے ترقی یافتہ ملک کے بارے  میں کوئی بھی سوچ سکتا ہے کہ وہاں  لوگ  کس طرح عیش و عشرت کی زندگی گزارتے ہونگے، کم از کم میرا خیال تو  اُس وقت یہی تھا جب میں پہلی بار اپنی تعلیم کے سلسلے میں سعودیہ سے جرمنی  جا رہا تھا۔

میں جس وقت ہمبرگ پہنچا تو وہاں پہلے سے موجود  میرے دوست میرے استقبال کیلئے ایک ریسٹورنٹ میں دعوت کا پروگرام بنا چکے تھے۔ جس وقت ہم ریسٹورنٹ میں داخل ہوئے  اس وقت وہاں گاہک نا ہونے کے برابر اور اکثر میزیں خالی نظر آ رہی تھیں۔  ہمیں جو میز دی گئی اس کے اطراف میں ایک میز پر  نوجوان میاں بیوی کھانا کھانے میں مشغول تھے ،  اُن کے سامنے صرف ایک ڈش میں کھانا رکھا  ہوا تھا جس کو وہ اپنی اپنی پلیٹ میں ڈال کر کھا رہے اور شاید دونوں کے سامنے ایک ایک گلاس جوس بھی رکھا ہوا نظر آ رہا تھا جس سے میں نے یہی اندازہ لگایا کہ بیچاروں کا رومانوی ماحول میں بیٹھ کر کھانا کھانے کوتو  دل چاہ رہا  ہوگا مگر جیب زیادہ اجازت نا دیتی ہو گی۔ ریسٹورنٹ میں ان کے علاوہ کچھ عمر رسیدہ خواتین نظر آ رہی تھیں۔

ہم سب کی بھوک اپنے عروج پر تھی  اور اسی بھوک کا حساب لگاتے ہوئے میرے دوستوں نے کھانے کا فراخدلی سے آرڈر لکھوایا۔ ریسٹورنٹ میں گاہکوں کے نا ہونے کی وجہ سے ہمارا کھانے لگنے میں زیادہ وقت  نا  لگا اور ہم نے بھی کھانے میں خیر سے کوئی خاص دیر نا لگائی۔

پیسے ادا کر کے جب ہم جانے کیلئے اُٹھے تو ہماری پلیٹوں میں کم از کم ایک تہائی کھانا ابھی بھی بچا ہوا تھا۔ باہر جانے کیلئے دروازے کی طرف بڑھتے ہوئے  ریسٹورنٹ میں موجود اُن بڑھیاؤں نے ہمیں آوازیں دینا شروع کر دیں۔ ہم نے مڑ کر دیکھا تو وہ ساری اپنی جگہ کھڑی ہو کر زور زور سے باتیں کر رہی تھیں اور ہم نے یہی اندازہ لگایا کہ اُنکا موضوع ہمارا ضرورت سے زیادہ کھانا طلب کرنا اور اس طرح  بچا کر ضائع کرتے ہوئے جانا تھا۔ میرے دوست نے جواباً اُنہیں کہا کہ ہم نے جو کچھ آرڈر کیا تھا اُس کے پیسے ادا کر دیئے ہیں اور تمہاری اس پریشانی اور ایسے معاملے میں جس کا تم سے کوئی تعلق ہی نہیں بنتا میں دخل اندازی کرنا ہماری سمجھ سے باہر ہے۔  ایک عورت  یہ بات سُنتے ہی  ٹیلیفون کی طرف لپکی اور کسی کو فوراً وہاں آنے کو کہا۔ ایسی صورتحال میں ہمارا وہاں سے جانا یا کھسک جانا ہمارے لیئے مزید مسائل کھڑے کر سکتا تھا اس لئے ہم وہیں ٹھہرے رہے۔

کچھ ہی دیر میں وہاں ایک باوردی شخص آیا جس نے اپنا تعارف ہمیں  سوشل سیکیوریٹی  محکمہ کے ایک افسر کی حیثیت سے کرایا۔ صورتحال کو دیکھ اور سن کر اُس نے ہم پر پچاس مارک کا جرما نہ عائد کر۔ اس دوران  ہم چپ چاپ کھڑے رہے۔  میرے دوست نے آفیسر سے معذرت کرتے ہوئے پچاس مارک جرمانہ ادا کیا اور اس نے ایک رسید بنا کر میرے دوست کو تھما دی۔

آفیسر نے جرمانہ وصول کرنے کے بعد شدید لہجے میں ہمیں نصیحت کرتے ہوئے کہا کہ : آئندہ جب بھی کھانا طلب کرو تو اُتنا ہی منگواؤ جتنا  تم کھا سکتے ہو۔ تمہارے پیسے تمہاری ملکیت  ضرور ہیں مگر وسائل معاشرے کی امانت ہیں۔ اس دنیا میں ہزاروں لوگ ایسے بھی ہیں جو غذائی کمی کا شکار ہیں۔ تمہارا کوئی حق نہیں بنتا کہ تم کھانے پینے کی اشیاء کو اس طرح  ضائع کرتے پھرو۔

بے عزتی کے احساس اور شرمساری سے ہمارے چہرے سرخ ہورہے تھے۔  ہمارے پاس اُس آفیسر کی بات کو سننے اور اس سے اتفاق کرنے کے سوا کوئی چارہ بھی نہیں تھا۔ ذہنی طور پر ہر اُس بات کے قائل ہو چکے تھے جو اُس نے  ہمیں کہی تھیں۔  مگر کیا کریں ہم لوگ ایسے ملک سے تعلق رکھتے ہیں جو وسائل کے معاملے میں  تو خود کفیل نہیں ہے مگر ہماری عادتیں کچھ اس طرح کی بن گئی ہیں کہ ہمارے پاس کوئی مہمان آ جائے تو  اپنا منہ رکھنے کیلئے یا اپنی جھوٹی  عزت یا خود ساختہ اور فرسودہ روایات   کی پاسداری خاطر دستر خوان پر کھانے کا ڈھیر لگا دیں گے۔ نتیجتاً بہت سا  ایسا کھانا کوڑے کے ڈھیر کی نظر ہوجاتا ہے جس کے حصول کیلیئے کئی  دوسرے ترس رہے ہوتے ہیں۔سچ تو یہ ہے کہ ہمیں اس بات کی اشد ضرورت ہے کہ ہم  اپنی  ان بری عادتوں کو تبدیل کریں اور نعمتوں کا اس طرح  ضیاع اور انکا اس طرح سے  کفران  نا کریں۔

ریسٹورنٹ سے باہر نکل کر  میرے دوست نے سامنے کی ایک دکان سے  جرمانے کی رسید کی فوٹو کاپیاں بنوا کر ہم سب کو اس واقعہ کی یادگار کے طور پر دیں تاکہ ہم گھر جا کر اسے نمایاں طور پر کہیں آویزاں کریں اور ہمیشہ یاد رکھیں کہ آئندہ کبھی بھی اس طرح کا اسراف نہیں کریں گے۔
جی ہاں! آپکا  مال یقیناً آپکی مِلکیت ہے مگر وسائل سارے معاشرے کیلئے ہیں۔ 

مال تمہاری ملکیت مگر وسائل معاشرے کی ملکیت ہوا کرتے ہیں
مال تمہاری ملکیت مگر وسائل معاشرے کی ملکیت ہوا کرتے ہیں

http://www.hajisahb.com/blog/2011/07/26/%D8%AC%D8%B1%D9%85%D9%86%DB%8C-%D8%B3%DB%92-%D8%A7%DB%8C%DA%A9-%D9%86%D8%B5%DB%8C%D8%AD%D8%AA-%D8%A2%D9%85%D9%88%D8%B2-%D8%B3%D8%A8%D9%82/
 

قرآن کی بے حرمتی

قرآن کی بے حرمتی
پروفیسر شمیم اختر

مقبوضہ افغانستان میں قابض امریکی اور یورپی افواج کے ہاتھوں قرآن کی بے حرمتی اور پیغمبر اسلام صلی اللہ علیہ وسلم کے خلاف سبّ وشتم کی مہم تو صلیبی صہیونی ٹولے کی پالیسی نہیں بلکہ اس کا مشن ہے۔ یہود و نصاریٰ ان اشتعال انگیز حرکات سے مسلم امہ کے دل سے قرآن پر ایمان اور ختمِ نبوت پر اعتقاد نکال دینا چاہتے ہیں، لیکن سلمان رشدی کی ہرزہ سرائی ہو یا ڈنمارک کے اخبارات کے تضحیکی خاکی.... یہ دنیا کے ایک ارب کلمہ گو مسلمانوں کا نہ صرف ایمان تازہ کرتے ہیں بلکہ ان میں یکجہتی اور جذبہ ¿ جہاد کو مہمیز دیتے ہیں۔ کابل کے شمال میں امریکی فوجی اڈے بگرام میں قرآن کے نسخوں کو نذرِآتش کرنے پر خود افغان فوج اور پٹھو کرزئی کی پولیس کی جانب سے جو ردعمل سامنے آیا وہ قابض امریکی اور ناٹو فوج، اور سب سے زیادہ ابرہہ ثانی کے لیے نوشتہ ¿ دیوار ثابت ہوا، کیونکہ بگرام جیسے قلعہ بند حصار پر یہ خبر سنتے ہی 21 فروری کو دو ہزار افغانوں کی یلغار غیر متوقع تھی، کیونکہ وہاں تو دور دور تک کوئی پرندہ پر نہیں مار سکتا، کسی عام شہری کا ادھر گزر امر محال ہے (ڈان 22 فروری2012ئ)۔ لیکن جب پہرے دار، چوکیدار، سپاہی خود امریکیوں پر ہلہ بول دیں تو ان میں اور عوام میں کوئی فرق یا کوئی فاصلہ باقی نہیں رہ جاتا، چنانچہ اس مشتعل ہجوم کو منتشر کرنے کے لیے امریکی فوجیوں نے گولیاں چلائیں جبکہ ہجوم نے امریکی اڈے پر تعینات فوجیوں پر دستی اور پیٹرول بم پھینکے۔ امریکیوں کے قرآن جلانے کی خبر پورے ملک میں جنگل کی آگ کی طرح پھیل گئی اور شمالی افغانستان کے صوبے قندز میں بھی امریکی اڈے پر افغان شہریوں نے حملہ کردیا، جبکہ لغمان کے دارالحکومت مہترلم (Mihtarlam) میں واقع امریکی اڈے پر ہزاروں افراد نے حملہ کردیا اور اس کی چہار دیواری پر چڑھ گئے۔ ادھر عوام نے پکیسا میں فرانس کے اڈے پر بھی چڑھائی کردی (ڈان 24 فروری 2012ئ)۔ اس پر فرانس اور جرمنی اتنے خوفزدہ ہوگئے کہ سرکوزی نے تو اس واقعہ سے پہلے ہی اپنی فوج 2014ءکے بجائے 2013ءمیں افغانستان سے واپس بلانے کا اعلان کردیا تھا کیونکہ جنوری میں افغان فوجیوں نے چار فرانسیسی فوجیوں کو موت کے گھاٹ اتار دیا تھا، البتہ جرمنی کو اب ہوش آیا، اس کی وزارت دفاع کے ترجمان Stefan paris نے کہاکہ جرمن فوج اس واردات سے قبل ہی شمالی علاقوں سے واپس بلالی گئی تھی (ڈان 27 فروری 2012ئ)۔ اس سے اندازہ ہوتا ہے کہ قابض فوج کے پاوں اکھڑ گئے ہیں اور وہ جلد از جلد میدانِ جنگ سے فرار ہوا چاہتی ہی، صرف امریکہ کے جنگجو عناصر نے اسے اپنی انا کا مسئلہ بنالیا ہی، سو ان کا حشر بڑا عبرتناک ہوگا۔ جب صورت حال قابض فوج کے قابو سے باہر ہوگئی تو افغانستان میں امریکی فوج کے سپہ سالار John Allen اور امریکہ کے اطالوی نژاد سیکریٹری دفاع Leon Panetta نے عوام کے جذبات کو ٹھنڈا کرنے کے لیے قرآن کی بے حرمتی پر حامد کرزئی اور افغان عوام سے غیر مشروط طور پر معافی مانگ لی اور اس واقعہ کی تحقیقات کا حکم دے دیا (ڈان 22 فروری 2012ئ)۔ اس کے بعد اوباما نے بھی معافی مانگنے میں دیر نہیں کی، البتہ 11 ہزار میل دور بیٹھے اسے یہ معلوم ہوگیا کہ امریکی فوجیوں کا یہ فعل غیر ارادی اور اتفاقیہ تھا جس کی ذمہ داری کا تعین کیا جائے گا (ڈان 24 فروری 2012ئ)۔ لعنت ہو ان یہود و نصاریٰ پر کہ کمبخت معافی مانگنے میں بھی ڈنڈی مار جاتے ہیں۔ جب اس بات کا تعین ہی نہیں ہوا کہ قرآن پاک کو نذرِ آتش کرنے کا فعل سہواً تھا یا عمداً، تو اس نے یہ کیسے کہہ دیا کہ یہ فعل غیر ارادی تھا؟ لیکن کیا امریکی پادری ٹیری جونس (Terry Jones) کا فعل بھی سہواً سرزد ہوا تھا جب اس نے بہت پہلے سے اپنے ناپاک ارادے کا اظہار کیا تھا کہ وہ قرآن مجید کو سرعام نذرِآتش کرے گا۔ اور اس جرم میں وہ تنہا نہیں تھا بلکہ امریکہ کے طول و عرض سے اس کی حمایت میں جتنی آوازیں اٹھی تھیں اتنی اس کے خلاف نہیں اٹھیں۔ کیا طالبان نے کبھی انجیل کے نسخے جلائی؟ یا ایرانیوں، پاکستانیوں اور عربوں نے کبھی انجیل، حضرت عیسیٰ اور بی بی مریم کی بے حرمتی کی؟ پھر بنیاد پرست، انتہا پسند، شدت پسند، جنونی اور جنگجو کون ہی، مسلمان یا یہود و نصاریٰ؟ کیا پاپائے روم بینی ڈکٹ نے پیغمبرِ اسلام صلی اللہ علیہ وسلم کو ایک بازنطینی بادشاہ کے قول سے اتفاق کرتے ہوئے دہشت گرد نہیں کہا؟ ایک طرف تو جان ایلن، لیون پناٹا اور اوباما افغان عوام کی شورش پر طاقت سے قابو پانے کی کوشش میں ناکام ہوکر ان سے معافی مانگتے ہیں تو دوسری طرف امریکی فوجی مشیر وزارت دفاع کے دفتر میں بیٹھے افغان حکام کی موجودگی میں ٹیلی وژن پر کابل، قندز، لغمان میں برپا امریکہ مخالف مظاہرے کی نشر کردہ فلم دیکھ دیکھ کر ان پر توہین آمیز تبصرے کررہے ہیں، یہاں تک تو ان کے افغان ماتحت خون کے گھونٹ پی رہے ہیں، لیکن جب ان ملعونوں نے قرآن کریم کے بارے میں نازیبا کلمات ادا کیے تو 25 سالہ مردِ مجاہد عبدالصبور کا پیمانہ صبر چھلک اٹھا اور اس نے ان دو ملاعین کو گولی مارکر واصلِ جہنم کردیا۔ اتوار 26 فروری تک اس شورش میں بشمول ان دو ملاعین، 30 افراد ہلاک اور 200 زخمی ہوگئے (ڈان 27 فروری 2012ئ)۔ اس کا یہ اثر تو ہوا کہ امریکیوں نے افغانستان کی وزارتوں میں تعینات سارے امریکی افسران کو واپس بلالیا۔ امریکہ کے تمام سول اور فوجی (اصل میں دونوں ایک ہیں) فکری توپخانے (Think Tanks) ذرا تجزبہ کریں کہ کیا افغانستان پر امریکہ کا قبضہ قائم رہ سکتا ہی، یا وہ اس پر اپنی مرضی کی حکومت مسلط کرسکتا ہی؟ کیا ڈیڑھ لاکھ افغان فوج اور ڈیڑھ لاکھ افغان پولیس جنہیں امریکہ اور بھارت تربیت دے رہے ہیں، امریکی افواج کے انخلا کے بعد اس کے مفادات کا تحفظ کرسکیں گی؟ حالیہ خبروں سے یہ پتا چلا کہ کسی افغان خانساماں نے امریکی فوجی میس (Mess) میں امریکیوں کے کھانے میں زہر ملا دیا تھا لیکن یہ معلوم نہ ہوسکا کہ ان میں سے کتنے جہنم رسید ہوگئے۔ بکرے کی ماں کب تک خیر منائے گی؟ احتیاط کا تقاضا تو یہ ہے کہ ڈیڑھ لاکھ امریکی اور ناٹو فوج کے لیے خانساماں بھی انہی ملکوں سے بلانا پڑے گا، یا پھر انہیں ٹین کے بند ڈبوں کی خوراک پر گزارا کرنا ہوگا، اور ہاں چائے اور قہوہ بھی خود ہی بناکر پینا ہوگا، اور شراب میں بھی بدستِ خود منرل واٹر ملانا پڑے گا، یا پھر امریکی، برطانوی، فرانسیسی، اطالوی، ولندیزی بارٹنڈر (ساقی) درآمد کرنا پڑے گا۔ بالفاظِ دیگر دشمن ملک کی فوجیں کسی دوسرے ملک میں دیر تک نہیں ٹھیر سکتیں، نہ ہی ان کے ایجنٹ۔ امریکی ذرائع ابلاغ نے یہ تاثر دیا ہے کہ افغانستان میں صورت حال روبہ معمول ہورہی ہی، لیکن دوشنبہ 27 فروری کو ایک مشتعل ہجوم نے جسے امریکی طالبان سمجھتے ہیں، جلال آباد میں ہوائی اڈے پر ناٹو افواج پر کار بم دھماکہ کرکے 19 افراد کو ہلاک کردیا جن میں 6 عام شہری، ایک افغان فوجی اور دو چوکیدار تھے۔ خبر کے مطابق گورے بال بال بچ گئے۔ (ڈان 28 فروری 2012ئ) امریکہ کی تاریخ بتاتی ہے کہ یہ جس ملک پر قبضہ کرتے ہیں اسے کھنڈر اور بنجر بنادیتے ہیں اور مقامی آبادی پر ایسے مظالم ڈھاتے ہیں کہ آدم خوروں کو بھی اس پر شرم آتی ہے۔ اوباما قرآن کی بے حرمتی کو غیر ارادی فعل قرار دیتا ہے لیکن گوانتاناموبی، ابوغریب اور بگرام کے عقوبت خانوں میں جارج بش کے حکم پر مشتبہ افراد کو تفتیش کے دوران جو جسمانی، جنسی اور ذہنی اذیت پہنچائی جاتی رہی وہ اب بھی جاری ہے اور منصوبہ بندی کے ساتھ کی جاتی ہے۔ افغانستان کے شہر کابل میں قرآنی آیات کو فٹ بال پر لکھ کر اسے ٹھوکروں پر رکھا جاتا رہا، جبکہ قرآن کے بکھرے ہوئے اوراق کو امریکی فوجی پامال کرتے رہے یا انہیں مسلمان قیدیوں کے سامنے پرزے پرزے کرکے نعوذ باللہ نالیوں میں بہادیتی.... یہ سب غیر ارادی حرکتیں ہیں؟ ایسی قوم کے رہنما جب اوباما جیسے ہوں جس نے 11 ستمبر2001ءکے بعد دھمکی دی تھی کہ اب اگر ایسی واردات ہو تو امریکہ کو خانہ کعبہ پر بمباری کردینا چاہیی، اُن سے اس کے علاوہ اور کیا توقع کی جاسکتی ہے کہ وہ اسلام دشمنی میں ساری حدیں پار کرسکتے ہیں۔ ادھر ری پبلکن پارٹی کے صدارتی امیدوار Newt Gingrich Ricksantorum اور Tim Pawlenty صدر اوباما سے ناراض ہیں کہ اس نے افغانوں سے معافی کیوں مانگی، کیونکہ وہ اس کے مستحق نہیں ہیں کہ امریکی صدر ان سے معافی مانگے۔

انسانی تاریخ میں مادی مسرت سے روحانی مسرت تک کا سفر

انسانی تاریخ میں مادی مسرت سے 
روحانی مسرت تک کا سفر
 شاہنواز فاروقی

انسانی زندگی میں مسرت کی اہمیت اتنی بنیادی ہے کہ مسرت کے بغیر زندگی کا تصور محال ہے۔ یہی وجہ ہے کہ انسان کی تمام تگ و دو مسرت کے حصول کے لیے ہوتی ہے۔ انسان دولت کمانا چاہتا ہے تاکہ زیادہ سے زیادہ مسرت حاصل کرسکے۔ انسان کامیاب ہونا چاہتا ہے تاکہ خوش ہوسکے۔ انسان عہدے اور منصب کا طالب ہوتا ہے تاکہ انبساط محسوس کرسکے۔ انسان فتح مند ہونا چاہتا ہے تاکہ شادمانی اس کے قدم چوم سکے۔ غرضیکہ مسرت پوری زندگی کا احاطہ کیے ہوئے ہے۔ عصر حاضر کے سب سے اہم ماہر نفسیات سگمنڈ فرائیڈ نے اگرچہ انسانی فطرت میں اذیت پسندی اور تباہی و بربادی کے رجحانات بھی دریافت کیے ہیں لیکن اس نے بھی انسان کے بارے میں بنیادی بات یہی کہی ہے کہ انسان کی شخصیت مسرت مرکز یا Pleasure Centric ہے۔ کارل مارکس نے سوشلسٹ انقلاب کا تصور پیش کیا لیکن سوشلزم مارکس کی فکر کا ایک مرحلہ تھا۔ مارکس کا خیال یہ تھا کہ انسانی تاریخ کا سفر سوشلزم سے آگے بڑھے گا تو کمیونزم سوشلزم کی جگہ لے لے گا، اور اس مرحلے میں جبر کی تمام صورتیں معاشرے سے ختم ہوجائیں گی، یہاں تک کہ ریاست کا ادارہ بھی تحلیل ہوجائے گا، معاشرہ چھوٹے چھوٹے گروہوں یا ”کمیونز“ میں تبدیل ہوجائے گا، لوگوں کی ضروریات کم ہوں گی اس لیے وہ کام بھی کم کریں گے اور زیادہ وقت ایسی سماجی و ثقافتی سرگرمیوں میں صرف کریں گے جن سے انہیں زیادہ سے زیادہ ”مسرت“ حاصل ہوسکے۔ مارکس کے یہ تصورات خواب و خیال ثابت ہوئی، انسانی تاریخ کبھی کمیونزم کے عہد میں داخل نہ ہوسکی اور سوشلزم کمیونزم کے لیے راہ ہموار کرنے سے قبل ہی دنیا سے رخصت ہوگیا۔ لیکن بہرحال کارل مارکس کا مثالی معاشرہ مسرت کے حصول کو سب سے بڑا مثالیہ یا Ideal سمجھتا تھا۔ تاہم مسرت کا تصور ہمیشہ تصورِ انسان اور تصور کائنات سے ماخوذ رہا ہے۔ انسانی تاریخ میں نمرود اور فرعون صرف انکارِ حق اور باطل کی علامت نہیں ہیں، وہ مادی مسرت کی بھی علامت ہیں۔ اس کی وجہ یہ تھی کہ یہ لوگ انسان اور کائنات کو محض ایک مادی حقیقت سمجھتے تھے اور ان کی زندگی میں صرف دو چیزوں کی اہمیت تھی: ایک طاقت اور دوسری دولت۔ چنانچہ ان کی تمام مسرتیں طاقت اور دولت سے متعلق تھیں۔ ان کے لیے انسان پر حکم چلانے میں ایک لطف تھا، ان کے لیے انسان کو غلام بنانے میں ایک لذت تھی، ان کے لیے دولت اور اس کے مظاہر کی تخلیق میں ایک مسرت تھی، ان کے نزدیک زندگی صرف دنیا تک محدود تھی، مرنے کے بعد کسی زندگی کا کوئی وجود نہیں تھا، چنانچہ ان کے نزدیک ہر لمحے کو مادی مسرت میں ڈھال لینا ہی سب سے بڑی عقل مندی تھی۔ اس کے برعکس مذہب کا تصور یہ تھا کہ انسان اوّل و آخر ایک روحانی حقیقت ہے۔ بلاشبہ انسان ایک جسم بھی ہی، اور جسم کی جسمانی ضروریات بھی ہیں، مگر یہ ضروریات روحانی دائرے کے اندر ہیں، اس سے باہر نہیں ہیں۔ اس طرح مذہب کائنات کو اس کی مادی حقیقت سے آگے بڑھ کر بیان کرتا ہے اور اس کا اصرار ہے کہ کائنات اللہ کی لاتعداد نشانیوں سے بھری ہوئی ہے۔ مذہب کے دائرے میں آخرت کا تصور مسرت کے تصور کو ایک جانب زمین سے اٹھاکر آسمان پر پہنچا دیتا ہی، دوسری جانب وہ مسرت کو عارضی کے بجائے مستقل بنادیتا ہی، اور تیسری جانب وہ مسرت کو ایسی جامعیت عطا کرتا ہے جو روح، نفس اور جسم پر محیط ہے۔ رسول اکرم صلی اللہ علیہ وسلم کے عہد میں اگرچہ عرب کفر اور شرک میں ڈوبے ہوئے تھے لیکن ان میں سے اکثر کا کفر اور شرک ان کی فطرت کی کجی کا نہیں ان کے ماحول کے جبر کا نتیجہ تھا، یہی وجہ ہے کہ ان کی مسرت کا تصور طاقت اور دولت سے آگے جاتا تھا۔ عرب اپنے تمام تر کفر اور شرک کے باوجود خانہ کعبہ کی بڑی تکریم کرتے تھے اور اس کی دیکھ بھال کو بڑا شرف جانتے تھے۔ ان کے نزدیک خانہ کعبہ کی زیارت اور اس کے طواف کے لیے آنے والے بڑے محترم ہوتے تھے اور ان کی خبر گیری انہیں بہت عزیز تھی۔ عرب بلا کے مہمان نواز تھے۔ ان کی سخاوت کا کوئی ثانی نہیں تھا۔ ان کے یہاں پناہ کا تصور اتنا مکرم تھا کہ وہ اپنے عزیز ترین شخص کے قاتل کو بھی مخصوص مدت کے لیے پناہ دے دیتے تھے۔ ان کے نزدیک شعر کہنی، شعر سننے اور شعر یاد رکھنے میں کسی بھی چیز سے بڑھ کر مسرت تھی۔ وہ قصیدے کہنے والے شاعروں کے لیے خزانے کا منہ کھول دیتے تھے۔ ان کے نزدیک خطابت بڑا فن تھا اور اس کی مسرت بے پناہ تھی۔ دوستوں کے لیے جان دے دینا اور ان کے لیے جان لے لینا ان کا معمول تھا اور اس میں ان کے لیے بڑے معنی تھے۔ ان کے نزدیک شجاعت ایک اعلیٰ ترین انسانی قدر تھی اور اس کی پاسداری میں ان کے لیے بڑے معنی اور بڑا لطف تھا۔ یہ ساری خوبیاں عربوں میں اس لیے تھیں کہ رسول اکرم صلی اللہ علیہ وسلم کو ان کے درمیان آنا تھا۔ آپ تشریف لائے اور آپ نے وحی اور اسوہ ¿ حسنہ کی قوت اور جمال سے ماحول کے جبر کو توڑ دیا۔ چنانچہ کفر اور شرک کی ضلالت ختم ہوگئی اور بدترین لوگ بھی انسانی تاریخ کے بہترین لوگ بن گئے۔ کم لوگ ایسے تھے جو سلیم الفطرت نہیں تھی، وہ یا تو غزوات میں مارے گئے یا دارلاسلام سے فرار ہوگئی، یا پھر معاشرے میں ناقابلِ اثر بن کر رہ گئے۔ انسانی تاریخ میں ہمارے عہد کی ایک خصوصیت یہ ہے کہ اِس عہد میں کفر اور اس سے پیدا ہونے والی مادیت جتنی ”مدلل“ بنی، اس سے پہلے تاریخ میں کبھی نہیں بنی تھی۔ اس کا ثبوت یہ ہے کہ جدید نفسیات نے کہاکہ انسان ایک مادی حقیقت ہی، حیاتیات نے کہا کہ انسان ایک مادی شے ہی، طبیعات نے کہا کہ انسان ایک مادی چیز ہی.... غرضیکہ علم کی کوئی ایسی شاخ نہیں ہے جس نے انسان اور کائنات کو مادیت سے آگے پہچانا ہو۔ اس کا نتیجہ یہ نکلاکہ مسرت کا تصور مادی امور تک محدود ہوگیا۔ انسانوں نے کہاکہ اصل چیز سرمایہ ہی، چنانچہ انہوں نے اس بنیاد پر پوری انسانیت کو تقسیم کردیا۔ انہوں نے کہاکہ جس کے پاس سب سے زیادہ سرمایہ ہے وہ پہلی دنیا ہی، ترقی یافتہ دنیا ہے۔ جس کے پاس اس سے کم سرمایہ ہے وہ دوسری دنیا ہی، ترقی پذیر دنیا ہے۔ جس کے پاس سب سے کم سرمایہ ہے وہ تیسری دنیا ہی، پسماندہ دنیا ہے۔ انہوں نے کہا کہ قوموں کا شرف اس بات سے برآمد ہوتا ہے کہ ان کی مجموعی قومی پیداوار کیا ہے۔ انہوں نے کہا کہ قوموں کی قدر کا تعین اس بات سے ہوتا ہے کہ ان کی فی کس آمدنی کیا ہے۔ انہوں نے کہاکہ اصل چیز تو قوموں کی معیشت کی شرح نمو ہے۔ اس کا نتیجہ یہ نکلا کہ یہ تمام چیزیں عصر حاضر کے بت بن گئیں۔ ان بتوں نے پوری دنیا میں انفرادی زندگی کو بھی بری طرح متاثر کیا۔ چنانچہ مغرب کیا مشرق میں بھی دولت مسرت کا سرچشمہ بن گئی۔ لیکن یہاں سوال یہ ہے کہ کیا یہ صورت حال جاری رہے گی؟ یا مادی مسرت کا تصور چیلنج ہوگا اور اس کی جگہ مسرت کا زیادہ حقیقی اور زیادہ جامع تصور دنیا میں رائج ہوگا؟ اس سوال کا جواب دینا آسان نہیں، لیکن مادی مسرت کا رائج الوقت تصور رفتہ رفتہ اپنی کشش کھو رہا ہے۔ اس کی تین شہادتیں اس وقت ہمارے سامنے ہیں۔ سوویت یونین کے خاتمے اور سوشلزم کے زوال کے بعد مغرب کے سرمایہ دارانہ نظام کو پوری دنیا میں جو غلبہ اور تسلط حاصل ہوا تھا اس نے اس تصور کو عام کیا تھا کہ انسانیت کی بقا اس نطام کے تحفظ اور پیروی میں ہے اور یہ نظام اتنا کامیاب اور تضادات سے پاک ہے کہ کم از کم 21 ویں صدی میں اسے کسی قسم کے خطرے کا سامنا نہیں ہوگا۔ لیکن سرمایہ دارانہ نظام کے خلاف وال اسٹریٹ سے شروع ہونے والے احتجاج نے جس طرح عالمگیر صورت اختیار کی اس نے ثابت کردیا کہ سرمایہ دارانہ نظام سنگین داخلی بحران کا شکار ہی، جس کا سب سے بڑا ثبوت یہ ہے کہ کسی حریف کے بغیر ہی اس کی کمزوریاں عیاں ہوگئی ہیں۔ اس کا مفہوم یہ ہے کہ سرمایہ دارانہ نظام کے تصورات سے وابستہ مسرتیں خطرے میں ہیں۔ مادی مسرت کے تصور کو درپیش مسائل کا ایک ثبوت یورپ میں یورو کا بحران ہے۔ یورپی اتحاد یقینا ایک سیاسی اتحاد بھی ہی، لیکن اس کا معاشی پہلو سیاسی پہلو پر غالب ہے۔ اس کی ایک شہادت مشترکہ منڈی کا تصور ہی، جبکہ اس کی دوسری شہادت مشترکہ کرنسی کا نظام ہے۔ تاہم یورپی معیشت کے بحران نی.... یورو کا بحران جس کا سب سے بڑا مظہر ہی.... مادی مسرت کے تصور کو سخت نقصان پہنچایا ہے۔ اس کی ایک صورت یہ ہے کہ یورپ جو کبھی سماجی بہبود، کم اوقاتِ کار، طویل تعطیلات، مادی مواقع اور مساوی تنخواہوں کی سرزمین تھا اب سماجی فوائد میں کمی کی سرزمین بن گیا ہے۔ بچت اور سادگی کے نام پر روزگار کے مواقع محدود کیے جارہے ہیں اور محنت کشوں کی منڈی میں سخت مقابلے کی فضا پیدا ہوچلی ہے۔ یورو کے بحران نے یونان کی معیشت کو بنیادوں سے ہلا دیا ہے اور اس بات کا اندیشہ پیدا ہوگیا ہے کہ یونان یورپی اتحاد سے الگ ہوسکتا ہے۔ جرمنی کا کہنا ہے کہ یونان خود اپنی تباہی کا ذمے دار ہے۔ جرمنی میں یہ خیال عام ہے کہ یونان کے لوگ کاہل اور ناقابلِ اعتبار ہیں۔ اس کے برعکس یونان کے لوگ کہہ رہے ہیں کہ ان کے مسائل کا ذمے دار فرانس اور بالخصوص جرمنی ہے جو یورپ میں سب سے بڑا ملک ہونے کی وجہ سے اپنی شرائط پورے یورپ پر مسلط کررہا ہے۔ مادی مسرت کے تصور کی پسپائی کا ایک چھوٹا سا مظہر یہ ہے کہ بھوٹان کی حکومت نے مسرت کے حصول کو عوامی مفاد اور اجتماعی ہدف قرار دے دیا ہے۔ بھوٹان میں اس کام کی ابتدا 1970ءمیں ہوئی تھی جب بھوٹان کے سابق بادشاہ جگمے سنگھے وانگ چک نے مجموعی قومی پیداوار یا جی این پی کے بجائے مجموعی قومی مسرت یعنی جی این ایچ کا تصور پیش کیا اور کہا کہ مسرت کا حصول بھوٹان کی قومی پالیسی ہے۔ اس سلسلے کا تازہ ترین واقعہ یہ ہے کہ اقوام متحدہ نے ایک قرارداد میں اس بات پر زور دیا ہے کہ اقتصادی نمو اور سماجی ترقی کے سلسلے میں مسرت کی اہمیت فیصلہ کن ہے۔ پیرس میں قائم اقتصادی تعاون اور ترقی سے متعلق تنظیم OECD نے ملکوں کے حالات کے تعین کے لیے ”پیمانہ ¿ مسرت“ متعارف کرایا ہے جس کے تحت مختلف ملکوں کے لوگوں سے پوچھا جاتا ہے کہ کیا آپ اپنے روزگار کو پسند کرتے ہیں؟ آپ کی صحت کیسی ہی؟ کیا آپ اپنے بچوں کے ساتھ ضرورت کے مطابق وقت گزارتے ہیں؟ کیا ضرورت کے وقت آپ کے دوست آپ کے ساتھ ہوتے ہیں؟ کیا آپ اپنے پڑوسیوں پر اعتماد کرتے ہیں؟ آپ اپنی مجموعی زندگی سے کتنے مطمئن ہیں؟ ان سوالات کے جوابات کی روشنی میں یہ طے کیا جاتا ہے کہ کس ملک کے لوگ کتنے خوش اور مطمئن ہیں۔ اطلاعات کے مطابق تائیوان نے اعلان کیا ہے کہ وہ ہر سال مجموعی مسرت کا گوشوارہ (Index) جاری کرے گا۔ تھائی لینڈ میں بھی اس حوالے سے پیش رفت کا امکان ہے۔ یہ صورت حال اس امر کی غماز ہے کہ مذہب کے بغیر بھی مادی مسرت کے تصور میں روحانی مسرت کا تصور در آیا ہے۔ لیکن روحانی مسرت کا یہ تصور مجرد بھی ہے اور ناکافی بھی۔ اس کے برعکس اسلام روحانی مسرت کے تصور کو نیکی کے ساتھ منسلک کرکے ٹھوس، وسیع اور ہمہ گیر بنادیتا ہے۔ اس سلسلے میں اسلام کے بنیادی تصورات چار ہیں۔ ایک یہ کہ انسان کی اصل اور سب سے بڑی مسرت یہ ہے کہ اس کا خالق، مالک اور رازق اس سے راضی ہوجائی، کیونکہ خدا کو خوش کیے بغیر انسان کی کسی خوشی کا کوئی مفہوم ہی نہیں۔ لیکن سوال یہ ہے کہ خدا کی خوشی کو جاننے کا طریقہ کیا ہی؟ اس سوال کا جواب یہ ہے کہ خدا کے حقوق کی ادائیگی اس کی واحد صورت اور اس کا واحد معیار ہے۔ اسلام کا دوسرا بنیادی تصور یہ ہے کہ انسان خود اپنے آپ سے کتنا خوش ہی؟ اس کی گواہی صرف انسان کا ضمیر فراہم کرسکتا ہے۔ ضمیر کا اطمینان شخصی مسرت کی اعلیٰ ترین اور ٹھوس صورت ہے۔ اسلام کا تیسرا تصور یہ ہے کہ انسان سے دوسرے انسان کس حد تک خوش ہیں؟ یہ حقوق العباد کا دائرہ ہے اور یہاں معاملہ گھر کے افراد سے شروع ہوتا ہوا عزیزوں، پڑوسیوں اور ساری دنیا کے انسانوں تک جاتا ہی، اور اسلام بتاتا ہے کہ اپنے بھائی کے لیے مسکرا دینا بھی صدقہ یا نیکی ہے۔ اسلام میں نیکی کی اہمیت یہ ہے کہ یہ پوری کائنات فنا ہوجانے والی ہے البتہ ذرے کے برابر کی گئی نیکی بھی باقی رہنے والی ہے۔ اسلام کا چوتھا تصور یہ ہے کہ انسان نے دائمی زندگی یا آخرت کے لیے کتنی فکر اور کتنا عمل کیا؟ فرض کیجیے کہ اگر انسان نے سارے عمل دنیا کے لیے کیی، تو اس میں مسرت کی کوئی بات نہیں۔ البتہ اگر اس کے تمام یا اکثر عمل آخرت کے لیے ہیں تو یہ انتہائی مسرت کی بات ہے۔ یہ حقیقی مسرت کے وہ تصورات ہیں دنیا جن سے ناآشنا ہی، یہاں تک کہ مسلمان بھی ان سے اس طرح آگاہ نہیں جس طرح ان سے آگاہ ہونے کا حق ہے۔ لیکن ان تصورات کے ذریعے ہی دنیا حقیقی مسرت سے ہم کنار ہوسکتی ہے۔

Thursday, 1 March 2012

اب تو ہر وادی میں ہے

اب تو ہر وادی میں ہے

عامرہ احسان ـ

یہ گلوبل ویلج جس میں چھ ارب انسان آباد ہیں جس کا چوہدری امریکہ بنا بیٹھا ہے۔ آ ئیے اس پر ایک نگاہ ڈالیں۔ یہ جس نظام شمسی کا حصہ ہے اس کا سورج زمین سے تین لاکھ گنا بڑا ہے۔ اس سورج کے گرد نو سیارے گھوم رہے ہیں۔ انکے 54 چاند ہیں۔ یہ پورا نظام کائنات نہیں ہے۔ صرف ہماری کہکشاں (Galaxy) جس کا حصہ ہماری زمین ہے اس میں 250 ارب سورج ہیں جن کے اپنے اپنے سیارے ہیں۔ اس طرح کی کھربوں کہکشائیں اور بھی ہیں اور یہ وہ کائنات ہے جس تک انسان صدیوں کی محنت اور تحقیق کے بعد پہنچا ہے۔ یہ عظیم الشان کائنات جو کامل (Perfect) اور متوازن ہے جس میں کوئی خلل اور کجی نہیں اس کا خالق، مالک اور رب، اللہ ہے جسکے وجود پر مسلمان، عیسائی یہودی ان تینوں حیثیتوں کے اعتبار سے یکساں ایمان رکھتے ہیں۔ یہ وہی رب ہے (تربیت دینے والا، پالنے والا) جس نے انسانوں کی تربیت کےلئے انبیاءبھیجے الہامی کتب نازل فرمائیں۔ 

حضرت موسیٰ ؑ، حضرت عیسیٰ ؑ‘ پر تورات اور انجیل نازل ہوئی۔ اسی تسلسل میں ختم الانبیاءمحمد صلی اللہ علیہ وسلم بھیجے گئے جن کی آمد کی خوشخبری انہی انبیاءکے ذریعے دی گئی اور یہ حسن اتفاق ہے کہ ترکی میں قدیم آرامی زبان میں مکتوب پانچویں صدی میں تحریر کردہ انجیل مقدس کا نایاب نسخہ دریافت ہُوا ہے جس میں حضرت عیسیٰ ؑکی زبان مبارک سے محمد مصطفی صلی اللہ علیہ وسلم کے ظہور کی بشارت دی گئی ہے۔ لہٰذا ایک لاکھ چوبیس ہزار پیغمبروں کے امام اور نبی آخرالزمان اور آخری الہامی کتاب کا نزول جن کے مبارک قلب پر ہُوا وہ نبی کریم محمد صلی اللہ علیہ وسلم ہیں۔ قرآن پاک ڈیڑھ ارب مسلمانوں کی کتاب مقدس ہے اور نبی پاک ان مسلمانوں کیلئے رشتے میں انکے والدین، اولاد اور دنیا بھر کے انسانوں سے برتر اور اولیٰ ہیں۔ کیا دنیا جہان کو تعلیم دینے، خواندگی، تہذیب، سکھانے کے ٹھیکیداروں کیلئے یہ بات ثابت سمجھنی بہت مشکل ہے کہ انہیں قرآن پاک اور محمد صلی اللہ علیہ وسلم کو احترام دینا ہے؟ دنیا بھر میں اپنی یونیورسٹیوں کی دھاک بٹھانے والے اس بنیادی اخلاقیات سے عاری ہیں کہ علم و حکمت اور دانائی سے لبریز ایک کتاب اگر آپ پڑھنے، سمجھنے، ایمان لانے، قبول کرنے، برتنے کا ذوق نہیں رکھتے تو اسے جلانے اور اس کی بدترین توہین کرنے کا حق آپ کو کس نے دیا ہے؟

ایک مہذب انسان تو قلم اور حرف کا احترام کرتا ہے۔ فزکس، کیمسٹری کی کتاب بھی نہ پھاڑے گا نہ پھینکے گا نہ جوتوں تلے روندے گا نہ غلاظت سے لتھیڑے گا۔ لیکن یہ تہذیب کے عالمی ٹھیکیدار ذرا اپنے گریبان میں جھانکیں اور گزشتہ دس سالوں میں قرآن پاک اور نبی کریم کےخلاف بداخلاقی، بدتہذیبی کی بدترین حدوں کو چھو لینے والی اس مہم بارے کوئی دلیل تو لائیں۔ شائستگی، اخلاق کی کسی لغت میں اس رویے کی گنجائش ادنیٰ ترین درجے میں بھی بنتی ہے۔ ایک نارمل، صحیح الدماغ سلیم الفطرت انسان خواہ وہ افریقہ کے جنگلوں میں بھی پلا ہو رشتوں کی پہچان رکھتا ہے۔ ماں باپ کا احترام جانتا ہے اور یہ آئی وی لیگ یونیورسٹیوں والے، تھنک ٹینکوں میں سر دئیے دانشوریوں کے گھونٹ بھرنے والے ماں باپ سے اولیٰ رشتے.... نبی اور پیغمبر کی پہچان سے عاری ہیں؟ یہ کون سی تہذیب ہے جہاں فلوریڈا کا پادری عالمی قرآن جلانے کا دن مناتا ہے مارچ 2011ءمیں؟ اور چرچ کے باہر لگے پوسٹر (قرآن ) کو جلا ڈالو، اس پر گولیاں برسا، اسے پھاڑ ڈالو، دنیا بھر کے میڈیا کی نگاہوں میں آتے ہیں۔ فلوجہ کی مسجد میں امریکی سپاہیوں کے جوتوں تلے اور بطور تکیہ سر تلے قرآن رکھے ہیں؟ جہاں مسلمانوں کو ذہنی اذیت دینے کےلئے خانہ کعبہ کی طرز پر نیویارک میں ”ایپل مکہ“ کے نام سے شراب خانہ تعمیر کیا جاتا ہے۔ بداخلاقیوں کی ان گھناونی حرکتوں کا ڈراپ سین (جو بگرام، قندھار، گوانتا نامو، عراق، امریکہ یورپ میں بار ہا ہوئیں) افغانستان میں قرآن پاک کی تکلیف دہ بے حرمتی کا تازہ ترین واقعہ ہے۔ یہ امر لائق توجہ ہے کہ ان تمام سنگین حرکتوں کے باوجود دنیا بھر میں کبھی کوئی ایک واقعہ بھی کسی مسلمان کے ہاتھوں انجیل یا تورات کی ادنیٰ ترین گستاخی کا بھی جواباً دس سالوں میں یا اس سے پہلے رپورٹ نہیں ہوا۔ باوجودیکہ یہ کتب محرّفہ ہیں۔ لیکن چونکہ ہم تمام انبیاءاور آسمانی کتب پر ایمان رکھتے ہیں۔ اپنی ماووں کی گودوں میں، اپنے حقیقی باپوں کے سایہ عاطفت میں تہذیب و تربیت کے گہواروں میں پلے ہیں اسلئے موازنہ کر لیجئے اخلاق و تہذیب کے تفاوت کا۔ دنیائے کفر کو اس کا جواب جس زبان میں دیا جانا ضروری تھا وہ فرض افغانوں نے اُمت کی طرف سے ادا کر دیا ہے۔ شاید سارے قرض چکانے کا ٹھیکہ افغانستان نے لے رکھا ہے! جادو وہ جو سر چڑھ کر بولے لہٰذا اوباما نے فوری معافی مانگ لی۔ امریکہ دوڑا لپکا مذمت کرنے کو اور ذمہ داران کو کیفر کردار تک پہنچانے کی یقین دہانیاں کروانے کو۔ مگر کہاں جناب! افغان عوام غم و غصے کی آگ میں پھنک رہے ہیں، غیرت دینی (دس سال علاج کے باوجود) مغربی اداروں، امریکہ نیٹو کے اڈوں پر حملہ آور ہے۔ جمہوریت اور آزادی کی نیلم پری دھواں دھواں ہے۔

امریکہ نیٹو کے مشیران سر پر پاوں رکھ کر واپس دوڑ گئے ہیں۔ 2 امریکی مشیر تابوتوں کی صورت لوٹے ہیں کیونکہ انہوں نے افغان انٹیلی جنس اہلکار کو مظاہرین کے حوالے سے بے نقط سُنا ڈالیں اور مغلظات بک دیں۔ افغان فوجی نے مشتعل ہو کر قرآن اور مظاہرین کےخلاف بدزبانی پر 8 راونڈ گولیوں کے برسا دئیے۔ قندوز میں نیٹو اڈے پر حملہ کر کے سات زخمی کر ڈالے۔ برطانیہ نے خوفزدہ ہو کر اپنا سفارتی عملہ واپس بلا لیا۔ برطانیہ اور فرانس نے اپنے مشن معطل کر دئیے۔ گرتی دیواروں کو طالبان آخری دھکا دے رہے ہیں۔ عوام الناس کے اندر امریکہ نیٹو سے نفرت کا پکتا ہُوا لاوہ یکایک پھٹ پڑا ہے۔ لوگ طالبان کو مستقبل قریب میں واپس آتا دیکھ کر ان سے سازگاری کے خواہاں ہیں۔ طالبان سے تعلق استوار کر رہے ہیں ہَوا کا رُخ بدلتا دیکھ کر اور اب منظرنامہ دن بدن واضح ہوتا جا رہا ہے۔ اقبالؒ کے سوال کا جواب آ رہا ہے ’کونسی وادی میں ہے‘ ....؟
اب تو ہر وادی میں ہے اب تو ہر منزل میں ہے
عشقِ بلا کا قافلہ سخت جاں! 

اب جبکہ امریکہ افغانستان سے نکل بھاگنے کی تیاری میں ہے کیا ہی اچھا ہو کہ وہ ہماری طرف سے امریکہ دوست سیاستدانوں کا تحفہ قبول کر کے ان سب کو بھی اپنے ساتھ امریکہ لے جائے۔ امریکہ پر یہ حق تو ان وفاداروں کا بنتا ہے کہ امریکہ میں ایک ’میر جعفر آ باد‘ بنا کر وہاں بو علی، عبداللہ صالح، حسنی مبارک، پرویز مشرف اور ہماری موجودہ ہمہ نوع حکمران کھیپ کو لے جائے۔ ،،،،،،،،،، امریکہ کا حشر نشر دیکھیں اور ایسے میں پاکستان میں آسکر ایوارڈ جیت کر ’سافٹ امیج‘ کے شوق میں ایک شرمناک فلم پر بغلیں بجائی جا رہی ہیں۔ 

قبل ازیں سعودی عورت، طالبان سے متعلق اور مشرقی تیمور میں مسلمانوں کے خون پر تعمیر ہونےوالی ریاست پر (Birth of a Nation) فلمیں بنانے کا ’اعزاز‘ بھی حاصل کر چکی ہے۔ تعجب ہے کہ مظلوم عافیہ اور فلسطینی بچے، عورتیں (غزہ) انکی نظر سے اوجھل ہیں! شدید سردی میں لاپتہ افراد کے اہل خاندان عورتیں بچے ضعیف مردوں کے کیمپ پر بھی نظرِ کرم نہ ہوئی۔ نہ ہی ڈرون زدہ پرخچے اڑتے مظلومین پر کوئی دستاویزی فلم بنی‘ پاکستان کے مقابل امریکی عورت پر ہزاروں ایسی فلمیں بن سکتی ہیں جہاں عورت ظلم کی چکی میں (آزادی کے حسین پردے تلے) پس رہی ہے‘ ہم یہی کہہ سکتے ہیں
اتنی نہ بڑھا پاکی داماں کی حکایت
دامن کو ذرا دیکھ بند ذرا قبا دیکھ 

امریکہ میں خواتین اور بچوں پر تشدد کے اعداد و شمار ایسے خوفناک ہیں کہ اقوام متحدہ نے بھی امریکہ کو جھاڑ پلا دی۔ پناہ بخُدا! او آئی سی کے پلیٹ فارم سے مظلوم مغربی عورت کی آواز دنیا تک پہنچانے، آگاہی (Awareness اور دادرسی کےلئے بھی کچھ کرنا چاہئے!

یا شرعِ مسلمانی یا دیر کی دربانی ۔۔۔!

یا شرعِ مسلمانی یا دیر کی دربانی ۔۔۔!

طیبہ ضیاء 

افغانستان میں قرآن پاک کی بے حرمتی کا ایک اور شرمناک واقعہ، مسلمانوں میں اشتعال انگیزی کا ایک اور تشویشناک واقعہ، ایک اور سیاسی چال، مسلمانوں کے خلاف ایک اور سازش ، افغانستان میں شکست کا ماتم منایا جا رہا ہے یا اسلام کو تحقیر کا نشانہ بنایا جا رہا ہے۔ افغانستان میں فسادات درحقیقت افغانیوں میں امریکہ مخالف جذبات کا شدید ردعمل ہےں۔ پاکستان اپنی پہچان کھو چکا ، آدھا تیتر آدھا بٹیر، ہمسایہ ملک کے جذبات کو دہشت گردی سے منسوب کرتا ہے۔ علامہ اقبالؒ ملت کے اس منافقانہ رویہ سے دل برداشتہ تھے
یا شرعِ مسلمانی یا دیر کی دربانی
یا نعرہ مستانہ کعبہ ہو کہ بُت خانہ

علامہؒ فرماتے ہیں کہ یا تو انسان صحیح معنوں میں مسلمان بن کر اسلامی شرع پر چلے یا غیر اسلامی طاقتوں کا دربان بن کر کفار کی خدمت کرے یا اتنا بہادر اور جرات مند ہو جائے کہ کعبہ میں جائے یا بُت خانہ میں اور ہر جگہ غلط باتوں کے خلاف احتجاج کرے اور علی الاعلان حق بات کا اظہار کرے۔ یہ جو منافقانہ رویہ ہے اس کا نام سیاست رکھ دیا گیا ہے۔گورا بھی ناراض نہ ہو اور مسلمان بھی راضی رہیں۔ اس منافقانہ پالیسی کی وجہ سے پاکستان دہشت گردی کی نذر ہو چکا ہے۔ نامعلوم افراد نے کوہستان کے مقام پر بسوں پر سوار مسافروں پر اندھا دھند فائرنگ کر دی، اٹھارہ بے گناہ شہریوں کو قتل کر دیا، بارہ مسافر زخمی ہیں، مسافروں کو شناخت کے بعد گولیاں مار دی گئیں۔ جاں بحق ہونے والوںکا تعلق گلگت بلتستان کے مختلف علاقوں سے تھا۔ اس خبر کے بعد مزید کسی خبرکو پڑھنے کی ہمت نہیں رہی جبکہ سیاستدانوں نے حالیہ سانحہ پر بھی مخصوص روایتی جملہ ”مذمت“ کی ادائیگی سے عوام کے ووٹوں کا قرض چکا دیا۔ اس سے پہلے بھی مبینہ دہشت گردی کا ایک واقعہ کوئٹہ میں پیش آ چکا ہے اور اب اسی نوعیت کا ایک اور دردناک واقعہ گلگت کوہستان میں پیش آیا۔ فاٹا، گلگت، بلتستان، کرم ایجنسی میں شیعہ سُنی اختلافات کے واقعات منظر عام پر آتے رہے مگر دہشت گردی کا یہ منفرد طریقہ بربریت اور انسانیت کے منہ پرکالک اور حکومتی اداروں کے منہ پر طمانچہ ہے۔ جہاں تک امریکہ کے منہ کا تعلق ہے تو وہ افغانستان میں شکست کے بعدکسی کو اپنا منہ دکھانے کے قابل نہیں رہا۔ افغانستان میں قرآن پاک نذر آتش کرنے اور دو امریکی عہدیداروں کی ہلاکت جیسے واقعات سے ناٹو افواج کی نفسیاتی حالت کا اندازہ لگایا جا سکتا ہے۔ امریکہ اور اس کے اتحادیوں نے افغانستان میں اپنے خلاف ایک بڑا محاذ کھڑا کر لیا ہے۔ طالبان میں قطر سے مذاکرات کرنے والے امریکہ کو افغانستان میں شدید مزاحمت کا سامنا ہے۔ دہشت گردی کے خلاف نام نہاد جنگ نے افغانیوں کی زندگی مشکل بنا دی ہے، قرآن پاک کی بے حرمتی کے واقعہ نے جلتی پر تیل کا کام کیا ہے۔ قرآن سوزی جیسے واقعات سے افغانستان سے انخلا کے جواز فراہم کئے جا رہے ہیں۔ عراق کی طرح افغانستان بھی امریکہ کے لئے پسپائی اور ندامت کی علامت بن چکا ہے۔ افغانستان خانہ جنگی کا متحمل نہیں جبکہ قرآن سوزی کا واقعہ انتہائی تشویشناک صورتحال اختیار کر چکا ہے۔ مسلمان غیر مسلمین کے مذاہب کا احترام کرتے ہیں۔ ایک مسلمان دشمنان اسلام کی مذہبی کتابوں کی بے حرمتی کا سوچ بھی نہیں سکتا لیکن امریکہ اور دیگر مغربی ممالک میں اسلام کی بے حرمتی کے واقعات نفرتوں میں اضافہ کا باعث بن رہے ہیں۔ صدر اوباما نے افغانستان کی صورتحال پر بات کرتے ہوئے کہا کہ افغانستان میں سکیورٹی ذمہ داریوں کی منتقلی ضروری ہے تا کہ امریکہ افغان حکومت کو مستقبل میں افغانستان کی سرحدوں کی حفاظت یقینی بنانے کے لئے مدد فراہم کر سکے۔ گوروں کی حکمرانی ، آپس میں اتحاد، اسلام مخالف جذبات، آج کی بات نہیں البتہ آج کا مسلمان پہلے والا نہیں۔ گورے کی تاریخ تسلط اور ظلم سے بھری پڑی ہے مگر مسلمانوں نے سمجھا گورا بدل گیا جبکہ گورے کا مذہب اس کی رعونت اور فرعونیت ہے مگر افسوس کہ بر صغیر کا مسلمان اپنی حقیقت کو فراموش کر چکا ہے۔ علامہؒ فرماتے ہیں
ضمیر اس مدنیت کا دیں سے ہے خالی
فرنگیوں میں اخوت کا ہے نسب پہ قیام
بلند تر نہیں انگریز کی نگاہوں میں
قبول دینِ مسیحی سے برہمن کا مقام
اگر قبول کرے دینِ مصطفےٰ انگریز
سیاہ روز مسلماں رہے گا پھر بھی غلام